أحلى همبرغر و خبز الهمبرغر

: المقادير

1. 2 كأس و نصف فرينة
2. 1 ملعقة كبيرة خميرة الخبز
3. 1 ملعقة كبيرة سكر
4. 1 ملعقة صغيرة خميرة الحلويات
5. ملح
6. ربع كأس زيت
7. ماء دافئ
8. جلجلان

: طريقة التحضير

• نخلط الفرينة مع السكر و خميرة الخبز نخلط ثم نضيف الملح و خميرة الحلويات و نواصل الخلط ثم نضيف الزيت و نستمر في الخلط ثم نجمع العجين بالماء الدافئ حتى نتحصل على عجينة طرية
• نضع العجينة على طاولة العمل و ندلكها حتى نتحصل عجينة ملساء و غير لاصقة ثم نتركها ترتاح لمدة عشر دقائق
• نفتح العجين على شكل حربوش او انبوب و نقسمها على نصفين و كل نصف نقسمه على 3 اجزاء بحيث نتحصل على 6 اجزاء او حبات هامبرغر و نشكل كل جزء على شكل كرية ثم نضعهم في صينية فرن فيها ورق طهي و نخبزهم قليلا و نتركهم يخمروا حتى يتضاعف حجمهم
• ندهن حبات الهامبرغر بالماء و نرشه بقليل من الجلجلان ثم ندخلهم للفرن مسخن مسبقا على 200 درجة حتى ينضجوا ثم نخرجه و نغطيه و نتركه يبرد
• لتحضير حشو الهامبرغر نخلط كمية من اللحم المفروم مع المعدنوس و حبة بيض و حبة بصل مبشورة و الخبز اليابس المطحون و قليل من الملح و الفلفل الاسود و ملعقة كبيرة زيت ثم نعجن جيدا حتى تندمج كل المكونات و نتركه يتشرب لفترة ثم نشكله على شكل خبيزات و نقليه في مقلاة فيها قليل من الزيت
• نقطع خبز الهامبرغر في الوسط ندهن الجزء السفلي بجبن المثلثات و نضع فوقها خبزة اللحم المفروم ثم نضع ورقة خس ثم شريحة طماطم و نضع فوقها قليل من المايونيز و نضع فوقها الجزء العلوي من حبة الهامبرغر
• يمكن اضافة اي شيء في الوسط حسب الرغبة كما ان التزيين اختياري