بقلاوة بطريقة سهلة

1. : المقادير

1. صينية فرن 25 في 25 سم
2. 500غ فرينة
3. 500 غ كوكاو محمص و مرحي
4. 1 كأس نصفه مارغرين ذائبة و نصفه زيت
5. 1 حبة بيض
6. ماء الزهر
7. ملح
8. النشاء
9. سكر
10. قرفة
11. سمن ذائب
12. حبات كوكاو للتزيين

: طريقة التحضير

• نخلط الفرينة مع الملح ثم نضيف كأس الزيت مع المارغرين نواصل الخلط بأصابع اليد فقط
• نضيف حبة البيض و ماء الزهر نواصل الخلط حتى تتكون عندنا عجين أملس
• نقسم العجين على قسمين و كل قسم نقسمه على 6 اجزاء
• نشكل كل جزء على شكل كرة و نضع كل 6 اجزاء في كيس بلاستيكي و نترك العجين يرتاح لأطول مدة ممكنة
• نضيف للكوكاو كيلة من السكر و قليل من القرفة و نخلطهم دون عجن مع بعض جيدا ثم نضيف لهم ماء الزهر قليلا و نتركه يرتاح
• بعد ما يرتاح العجين نبدأ في تشكيل اول جزء بحيث نرش النشاء على طاولة العمل و على كرة العجين و نفتحها باستخدام الحلال ثم ندهنها بكمية جيدة من النشاء
• و نفتح باقي الستة أجزاء بنفس الطريقة ندهنهم بالنشاء و نضعهم فوق بعضهم و نفتحهم بالحلال مع بعض
• نحمل العجين بليها على الحلال و نضعها في صينية الفرن تكون مدهونة بالسمن الذائب
• نسوي العجين جيدا في الصينية ثم نفرغ فيها الحشو و نقوم بتسويته على سمك واحد
• نقوم بنفس العملية مع باقي الستة اجزاء المتبقية من العجين و نغطي بيها الحشو ثم ننزع الاطراف الزائدة
• باستخدام سكين نقطع حبات البقلاوة و من الاحسن استعمال اي وسيلة تضمن تقطيع الحبات بنفس الحجم
• ندخل فوق كل حبة بقلاوة حبة كوكاو
• نفرغ كمية من السمن الذائب فوق كل البقلاوة
• نشغل الفرن على حرارة متوسطة 170 درجة و نشعله من الاسفل فقط حتى تحمر اطراف البقلاوة
• ثم نشعله من فوق على حرارة متوسطة و نترك البقلاوة حتى تنضج
• بعد ما تنضج و هي ساخنة نفرغ عليها عسيلة باردة
• ثم نتركها تتشرب لليلة كاملة من الافضل قبل نزعها من الصينية